طريقك لتكون مصمم مواقع - الجزء الثالث

[Haytham]

السلام عليكم ورحمة الله وبركاتة

مرحباً بكم إخواني الأحبة وأخواتي الكرام

أتمني أن يكون الجميع بخير

النهاردة هنبدأ مع بعض الجزء الثالث من موضوع شرح (إزاي تكون مصمم مواقع)

الأول بس لو مكنتش شوفت الجزئين السابقين فبرجاء قرأتهم الأول من هنا وبعد ذلك قراءة هذا الجزء

الجزء الأول

الجزء الثاني

النهاردة في الجزء الثالث هنتعرف علي كذا حاجة مهمة ,خلونا نبدأ الأول ونقول إننا شوفنا الكورسات السابق ذكرها في الجزء الثاني وشوفنا الحاجة بالترتيب المذكور ..

ياتري دلوقتي هعمل أيه ؟

حالياً أنت أتعلمت وبقا عندك العلم إلي يأهلك تكون مصمم مواقع ,لكن معندكش الخبرة إلي تخليك تصمم موقع إحترافي

طيب أيه الحل في الموضوع دا ؟

الحل هو التمرين الكثير ,ودا بإنك هتصمم موقع وتعرضة هنا في المنتدي وإحنا كلنا هنشوف التصميم وهنقولك علي الملحوظات علي التصميم لو كانت موجودة

وطبعاً هتاخد الملحوظات دي في الإعتبار وهتعمل تصميم جديد وبردوا هنقولك المحلوظات عليه وهتكرر دا لحد لما تلاقي نفسك تصميمك معليهوش أي ملحوظات لأكثر من مرة

هل كدا كفاية ؟

لا طبعاً كدا مش كفاية ولا حاجة ,دلوقتي هتبدأ تقلد التصميمات ودي نقطة مهمة جداً عشان هتاخد منها خبرة كبيرة

هنا هتلاقي قسم تحميل قوالب المواقع ,أهو عندك في القسم دا ألاف القوالب لمصممين أجانب محترفين ,وأغلب الأعمال دي مش مجانية ,بمعني إن دا شغل لناس بيتباع لجمهور أو لأصحاب مواقع محتاجين الداتا دي

فأنت هتدخل القسم دا تستعرض القوالب الموجودة وأكثر القوالب هي لشركة تمبلت منستر Template Monster وهي شركة كبيرة وسيطة بين الصممين والراغبين في شراء التصاميم

هتحمل أي قالب موجود وهتلاقي القوالب معاها ملفات العمل زي الـ PSD ودا الملف المفتوح للفوتوشوب ,أو الـ FLA وهو الملف المفتوح للفلاش + بعض الملفات الأخري

المهم هتفتح ملف الـ PSD بالفوتوشوب وهتشوف الليرات وهتشوف التصميم معمول إزاي وبعد كدا هتفتح عمل جديد بمقاسات المواقع المعروفة 770*600 مثلاً ,مع العلم إن مقاس العرض مهم يكون 770 او 780 عشان يناسب شاشات الـ 800*600 أو شاشات الـ 1024

لكن بالنسبة للطول دا مش مهم أيه طول التصميم علي الفوتوشوب براحتك يعني

هتبدأ بقا تحاول تقلد التصميم دا وتعيد وتزيد لحد متعمل تصميم مشابة ليه

خلصت كدا ؟ ,أعمل تصميم كمان وتصميم كمان وهكذا ,أقعد كل يوم قلد تصميم

عارف دا هيفيدك في أيه ؟

1- هيفتحلك أفكار جديدة في التصميمات
2- هتاخد خبرة أكتر وإيدك هتمشي في التصميم بشكل كبير
3- هتشوف شغل ناس غيرك وهتحاول تشوف بيعملوا أيه وممكن تطلعلك أفكار أحسن منهم تعملها في تصميماتك عشان تتميز عنهم



بعد مخلاص إيدك مشيت في التصميم (وزي مقولت مهم جداً تطرحوا أعمالكم هنا في منتديات كلام عربي عشان نقدر أشوفها ونشوف أي ملاحظات) ,وصدقني دا عمروا مكان عيب

أنا لما أتعلمت التصميم في البداية كان ليا صديق مصمم وهوا إلي كان بيعلق علي تصميماتي وكل مرة كنت بتعلم من أخطائي لحد مإيدي مشيت وبقيت بعمل تصميمات كفيء هوا نفسة دلوقتي بقا بيعجب بيها

دلوقتي بقا لازم تاخد جولة في تصميم البرمجيات المختلفة لإن مش كل الناس إلي هتجيلك هتقولك صمملي موقع إستاتيك معمول بالـ HTML

عندك برمجيات مهمة لازم تتعلم التصميم عليها زي مثلاً سكربت المنتديات vBulletin

البرمجة دي هي برمجة المنتدي إلي أنت بتشوف عليه الموضوع دلوقتي

فيه شركة فيها مجموعة من المبرمجين عملوا برمجة المنتدي دا وعملوا منها إصدارات كتير جداً والنسخ دي بتباع بمبالغ كبيرة

المهم زي منتوا شايفين فيه منتديات كتيرة علي الساحة العربية ,يبقا لازم نتعلم تصميم المنتديات عشان هنلاقي عملاء عايزين يصمموا تصميم خاص بموقعهم

ودي أمثلة لتصميمات مختلفة في المنتدي هنا كمثال ليس إلا :

http://www.klamaraby.com/vb/index.php?styleid=26
http://www.klamaraby.com/vb/index.php?styleid=27
http://www.klamaraby.com/vb/index.php?styleid=28
http://www.klamaraby.com/vb/index.php?styleid=29
http://www.klamaraby.com/vb/index.php?styleid=30
http://www.klamaraby.com/vb/index.php?styleid=22
http://www.klamaraby.com/vb/index.php?styleid=31

دي أمثلة مختلفة علي تصميمات موجودة في المنتدي

وطبعاً طريقة تصميم المنتديات مختلفة تماماً عن تصميم المواقع ,لكن المبديء واحد

يعني زي السواقة كدا المبديء كلوا واحد ,لكن فيه إختلاف لما تسوق عربية صغيرة ولما تسوق أتوبيس ولما تسوق متوسكل ولما تسوق طيارة

ففيه قواعد ثابتة في التصميم ,وفيه متغيرات حسب نوع البرمجة لإن كل برمجة معمولة بشكل معين أنت بتصمم علي الشكل دا

يعني كمثال المنتديات عشان تصممها أنت بتعمل التصميم وبعد كدا بيتقسم التصميم لثلاث أجزاء

الجزء الأول الهيدر (Header) وهو عبارة عن رأس الصفحة

الجزء الأخير فوتر (footer) وهو الجزء الأخير من الصفحة

والجزء الوسط في الصفحة وهو ما يعرف بالمحتوي (content)

جزء الأول والجزء الأخير أنت بتصممة بإيدك ,لكن الجزء الموجود في الوسط دا هو عبارة عن محتوي المنتدي ودا عبارة عن الوان وبيتعمل من خلال الـ CSS الموجودة في لوحة تحكم المنتدي


هممم شكلك توهت مني صح ؟؟؟

أنا شكلي أتكلمت كتير وأنت مش معايا في إلي أنا بقولة دا ,عشان كدا أحسن حاجة تعملها دلوقتي تسطب نسخة منتدي علي جهازك وتشوف المنتديات بتتسطب إزاي وإزي بتقدر تديرها

وأنا قبل كدا قمت بعمل أكثر من كورس لتعليم إدارة المنتديات

vBulletin Forums management Essential Training

vBulletin Forums Management Beyond the Basics Part one

شوف الكورسين دول وهما هيوضحولك إزاي تسطب المنتدي علي جهازك وإزاي تقدر تشتغل عليه بشكل معقول

أما موضوع تصميم المنتديات فدي حاجة محتاجة شوية وقت لتعليمها وموجود شروحات ليها كتير في المنتدي

نسيبنا بقا دلوقتي من موضوع المنتديات وندخل في برمجيات تانية وهما كتير بصراحة لكن أنت يفضل تاخد خبرة في تصميم سكربتات كتير

فيه برمجيات مهم تكون بتعرف تصممها زي (الداتا لايف ودا سكربت إدارة محتوي) (الوردبريس ودا سكربت المدونات) ,وفيه برمجيات كتير تانية مهمة ,لكن كل لما تمشي إيدك وتتعلم حاجة من دول هتلاقي نفسك عندك خبرة أكتر وعندك مقدرة إنك تدخل سوق التصميم بشكل أفضل

طيب نفترض إنك جبت كذا سكربت من منتدي تطوير المواقع هنا وبقيت جامد وبتعرف تصمم بشكل ممتاز

واحد هيقولي طيب دلوقتي يا هيثوم أنا هعمل أيه وهشتغل إزاي ومنين هقدر أجيب شغل لنفسي ؟؟؟

دلوقتي هيبقا عندك حاجة من الإتنين ,يا إما تدور في الجرنال او علي الإنترنت عن شغل علي أرض الواقع (ودا الأفضل)

وطبعاً لما هتروح تعمل مقابلة لازم يكون ليك أعمال تاخدها معاك علي إسطوانة أو فلاشة عشان تفرج مدير القسم هناك علي أعمالك

يا إما بقا هتسلك الطريق المبدئي وهو الشغل من البيت ودا كويس أوي في الحالات التالية :

1- كنت لسه بتدرس
2- بتشتغل الصبح في عمل أخر وبالييل عايز تشتغل من البيت مصمم لتحسين دخلك
3- لسه متخرج قريب وعايز تشتغل من البيت لحد ميجي الفرج وتشتغل في شركة

لو نويت إنك تشتغل في البيت ,لازم تعرف إن فيه ناس كتير زيك ولازم تكون متميز عنهم بشوية حاجات عشان تعرف تنزل السوق وتثبت نفسك

1- أول حاجة لازم تصميماتك تبقا عصرية
2- لازم أسعارك تكون متوسطة ,ومناسبة للمجهود إلي هتقوم بيه
3- لازم تريح العميل ومتتعبوش لإنوا هوا إلي هيسوقك بعد كدا
4- العميل دائماً بيحب يتعملة الشغل في وقت قياسي وبدقة ممتازة

يعني متقعدش في التصميم شهرين علي اساس إنك بتعمل تصميم وهمي محدش عملة قبلك ,لا لازم تنجز عشان العميل عايز التصميم عشان يخلص بيه شغل هو التاني

وخلي بالك إنك ممكن دائماً تستعين بأجزاء من تمبلتس أو من أشكال جاهزة تساعدك إنك تنجز التصميم بشكل أفضل وأسرع لكن دا مش معناة إنك تنقل التصميم من مكان تاني وتنسبة لنفسك

يبقا هنعمل أيه دلوقتي ؟

1- هروح أعمل فيزا إنترنت عشان أي حاجة أحتاج أشتريها من الإنترنت ,ودا موضوع بيوضح القصة دي بشكل كويس

http://www.klamaraby.com/vb/showthread.php?t=52415

2- هروح أشتري دومين ودا سعرة لا يتعدي الـ 60 جنية مصري وفيه شركات كتير جداً بتقدم خدمة حجز الدومينات ,منهم وأفضلهم

1- شركة جودادي زائرنا الكريم الأعضاء المسجلين فقط هم من يمكنهم مشاهده الروابط

2- شركة إينوم زائرنا الكريم الأعضاء المسجلين فقط هم من يمكنهم مشاهده الروابط

3- أشترتيت الدومين وخلاص ,يبقا أروح أحجز إستضافة بقا عشان أرفع موقعي عليها ,ودا موضوع بيشرح القصة دي

http://www.klamaraby.com/vb/showthread.php?t=8988

ومن أفضل الشركات الأجنبية إلي ممكن تشتري منهم إستضافة

زائرنا الكريم الأعضاء المسجلين فقط هم من يمكنهم مشاهده الروابط
زائرنا الكريم الأعضاء المسجلين فقط هم من يمكنهم مشاهده الروابط
زائرنا الكريم الأعضاء المسجلين فقط هم من يمكنهم مشاهده الروابط
زائرنا الكريم الأعضاء المسجلين فقط هم من يمكنهم مشاهده الروابط

وأنا برشح شركة هوست منستر ثم هوست جيتور

ودا ترتيب لأفضل 10 إستضافات أجنبية

زائرنا الكريم الأعضاء المسجلين فقط هم من يمكنهم مشاهده الروابط

ومن أفضل الشركات العربية إلي ممكن تشتري منهم إستضافة

شركة ألتميت سيرف زائرنا الكريم الأعضاء المسجلين فقط هم من يمكنهم مشاهده الروابط ودي شركة أنا بثق فيها علي الجانب الشخصي

خلاص كدا أنا حجزت الدومين وحجزت الإستضافة ؟


يبقا أصمم موقع ليا بقا بإسم موقع شركة فلان أو موقع المصمم فلان

ودائماً إختار لموقعك إسم مناسب ,يعني بلاش شركة الأمل والتحدي والعبقرية والحاجات دي

إختار أسماء وسطية ومناسبة وتكون مميزة عشان الناس تفتكرها

بعد متخلص تصميم موقعك هتبدأ الشغل بقا وتستقطب العملاء ,وعندك حاجة من الإتنين هتعملهم ,يا ما هتعلن عن موقعك في جوجل أدورد ودي إعلانات تدفع نظير زيارات لموقعك (الزيارة أي الكليك علي الإعلان بتاعك بيحسب بمبلغ صغير)

يا إما هتدخل علي المواقع التطويرية إلي بتشتغل في المجال دا وهتعرض موقعك هناك ,هما كتير حالياً لكن أفضلهم علي الساحة حسب ما أتذكر (سوالف سوفت - ترايدنت - الويب العربي - دعم في بي) وفيه غيرهم كتييييير جداً ,لكن معظم المواقع دي بتركز أكثر علي تصميم المنتديات مش المواقع

وبكدا هتبقا عملت موقعك وقدرت تشوف عملاء عشان يتفقوا معاك علي أعمال

لكن أوعي تعمل الخطوة دي وأنت لسه معندكش المقدرة علي التصميم بشكل إحترافي ,لازم الأول يكون عندك الأساسيات وبعد كدا الشغل موجود مش هيروح في حتة ,وأهم حاجة التميز في مجالك مش أكتر


هممم مش عارف أقول أيه تاني ,أنا نفسي أطلع كل إلي عندي ومش عايز أكتم أي علم عندي عن أي حد ناوي وعايز يدخل المجال دا

فعلاً يا جماعة المجال دا جميل ومن حيث الشغل والفلوس فيه معقولة وكويسة لكن مهم تكون متميز عشان تعرف توصل لشركات ولناس وتفتح لنفسك سوق ويكون ليك إسم وأول مهيكون ليك إسم والناس بتحب شغلك هتلاقي ساعتها نفسك وصلت وهتقدر تفتح بعدها شركة خاصة بيك علي أرض الواقع وهترخصها والموضوع هيمشي معاك بإذن الله

لكن المهم يكون ليك قاعدة وليك أعمال كويسة وليك إسم في السوق

بجد أنا بتمنالكم الخير من قلبي وبتمنالكم النجاح والتوفيق في شغلكم

وهيسعدني جداً إننا في الموضوع دا نتناقش ونتكلم ويكون الموضوع دا مفتوح لجميع الأراء والإستفسارات وأنا مش هتأخر عن أي حد في أي مساعدة وإعتبروني أخوكم

ولو فيه أي حد شايف إن فيه جزئية مش واضحة ممكن أعيد شرحها تاني ,أو لو الموضوع محتاج موضوع كمان أشرح فيه جزئية تانية أنا مش هتأخر في دا نهائي بإذن الله

تقبلوا جميعاً خالص التحية لكم

[alexfox]

بص...
انا مش هاعلق على الموضوعات الثلاثة
لا من ناحية المحتوى...ولا من ناحية النية
لأن ده شىء مش جديد عليك
مش هاقول غير...جزاك الله عنا خير الجزاء

[عماد الدين81]

جزاك الله خيرا....ممكن بس اقتراح لو ينفع تدرس مثلا فى مركز تدريب وتقولننا عنوانه تبقى مششششششششششششكور كتير أو تعمل قناه خاصه بك على اليوتيوب وتشرح فيها كل القرصات والينكات الكتير يبقى والله ندعيييييييلك كتيييير جداجدا أكتر ما دعينالك أنا عارف ان دا طمع مننا ....بس نعمل ايه أنا مثلا نص الينكات مش فتحت معايا بعد ما بنيت آمال كبيرا على الموضوع دا.......مشششكور أخى

[العبد التواب]

جزاك الله خيراً اخي هيثوم وبارك الله فيك واسمحلي بعد إذنك ارتب الافكار و الموضوع كاملاً
1- التعلم
الفوتوشوب
الدريم ويفر --- الفرونت بيج
الهتميل- السي اس اس
الفلاش
البي اتش بي
الجافا
xhtml
2- التصميم
تصميمك الشخصي وعرضه في منتديات كلام عربي لاخذ الملاحظات
العمل علي القوالب الاحترافية ومحاولة تقليدها
3- نشر الموقع
شراء فيزا إنترنت
شراء الدومين
حجز إستضافة
4- نشر موقعك
الاعلان في جوجل ادورد
الاعلان في المواقع التطويرية
5- برمجيات آخري المنتديات
جولة في تصميم البرمجيات المختلفة مثلا سكربت المنتديات vBulletin وكيفية إدارتها
برمجيات تكون عارف ازاي تصممها مثل داتا لايف و وردبريس وهناك المزيد

اتمني ان اكون عرضت الموضوع صح يا هيثم واكونشي غلطت

[العبد التواب]

معلشي يا هيثم بس هناك إستفسار ؟؟؟......
1- ما هو الفرق بين sub domains , domain name
فالذي اعرفه ان sub domains يتم إنشاؤه في موقع الاستضافة والدومين من مواقع حجز الدومين فقط ولا ادري اصلاً ما هو الفرق بينهما ؟؟؟
2- انت قلت في موضوع شرح الفرق بين الاستضافة العادية والريسلر ووو.... من خلال موقع الاستضافة تستطيع تحرير موقعك ورفع الملفات وانشاء البريد ووو ولكني شاهدت في احد الدروس لشركة ليندا انه انشئ بريد الكتروني في موقع زائرنا الكريم الأعضاء المسجلين فقط هم من يمكنهم مشاهده الروابط وهو موقع كما ذكرت انفا يحجز الدومين ... فهل هذا الموقع هو موقع لشراء الدومين وايضاً موقع استضافة وإن كان فقط لإنشاء الدومين فاستطيع من خلال مثلا إنشاء البريد لكتروني الخاص بالموقع .
جزاكم الله خيراً وفقكم الله لما يحب ويرضي

[shadygw]

انا بهنيك ع الدروس والثلاث اقسام الرائعه

بس حبيبي انا عندي ليك اكم من سؤال

في جزء انتى كنت رايح اتنزلو كيف افهمت من موضوعك عن عمل ستايل للمنتدى وده الجزء ال 3 والاخير على حسب ما انتى قلت

بس السال الهيدر والفوتر اعرفتون الوسط ما فهمت كيف اغيره و ع الجنب وين السهم اللي ابيرفع الصفه لا فوق وتحت هاد كيف بغيرو

وبل منتديات انتي بتشوف كيف كل ال كلام من فوق تسجيل ولوحة تحكم هاي كيف بيعملوها بل تصميم ابتنكتب بس كيف بتفوتلا رابط انو بس اتجيب الفارا عليها وتكبس ابتنقلك للعنوان المطلوب
وسال ما هي لغه ال في بي لانو كيف افهمت منك انها لغه خاصه

وانا حابب ابني ستايل الي شخصي لاسباع رغبتي وفضولي لانو وقتي ما بيسمح اتعلم كل لدروس هيك بياخد مني شي 4 سنين ههههههه

بس شغلة ال في بي حبيتها

اسف ع الاطاله والازعاج

تقبل مروري

[realworld]

اولا شكرا جدا لحضرتك على الموضوع الاكتر من رائع اللى اكيد اضاف لكل واحد يهمه المجال ده حاجات كتير جدا

ثانيا انا خريج حاسبات ومعلومات وكنت درست حاجات كتبر فى الكليه لكن تختلف عن اللى حضرتك اتكلمت عنها يعنى اولا لغه التطوير هى ASP.Net
طبعا باستخدام c#
واكيد درست HTML
ولكن انا نفسى قبل ما ابدا فى مجال الشغل انى احاول ادرس حاجات تانيه ولو حضرتك تتكرم وتساعدنى انا كنت حددت مجموعه كورسات ناوى ادرسها ولو ممكن حضرتك تعلق عليها وتقولى ايه الصح فيها وايه الغلط

1-PHP
2-Dreamweaver
3-Java ******
4-XML
5-Photoshop
6-Flash
بس المشكله انى بحضر كورس CCNA فى الشبكات وايه راى حضرتك فى شغل الشبكات فى مصر

اسف على الاطاله والازعاج وشكررررررررررررررررررررا.

[sky2p]

السلام عليكم ورحمة الله وبركاتة
انا دى اول مشاركة ليا فى المنتدى الجميل دا
ودا لعدة اسباب اولها ان اشكر حضرتك ع الموضوع القيم دا ياجزائة الثلاثة
فاانا مبتدىء فى تصميم صفحات الويب ولكن لما قريت الموضوع باجزائة حقيقى استفادت كتير بارك الله فيك اخى الكريم ووفقك
انا تقريبا بقالى ساعتين دلوقتى مبعملشى حاجة غير انى بتصفح ذلك المنتدى ومواضيعة القيمة خاصة المواضيع الخاصة بيك
فانا استفدتك كثير سواء من هذا الموضوع او موضوع الفرق بين الرسيلر والvip
او التمليتز الجميلة الموجودة
دى نقطة اما النقطة التانية فهو سؤال
انا زى ماقلت لسة مبتدىء فى التصميم وعملت كام تصميم كدة وكنت عاوز اخد اراء عنهم
فبقالى فترة ببحث اخد رايك مين وانزل التصميمات دى فين انا نفسى اسمع اراء الناس انشا لله حتى يقولولى وحش بس مكنتش عارف فين
لكن وانا بقرا موضوع حضرتك وجدت بتقول اللى يعمل تصميم ينزلوا وياخد رايك حضرتك فية
وانا الحقيقى معرفشى هل ينفع انزل لينك الموقع عنا ولا دا مخالف لقوانين المنتدى فلو عادى ارجو ان حضرتك تقولى وانا ممكن انزلة هنا فى موضوع خاص واسف ع الاطالة

[محدش عارف حاجه]

يا اخ متعرفش مكاااااااان نتعلم منه بالعملى عشااااااان يكون الحكاااااااايه دى سهله شويه علينا او ذى ما الاخ الفااااااااااضل قالك من شويه تعملنا كورس على اليوتيوب ويااااااريت يكون الينك هنا للمشتركين فى المنتدى وتعمل الاسم خاص كدا للدروس بحيث مش اى حد يشوف المجهود غير عن طريق المنتدى الجميل دا يااااااريت فى اقرب فرصه

[elpop_kimo]

مشكلتنا ان الواحد عايز يتعلم كل حاجه فى الدنيا
مصمم ومبرمج ومحلل وايه تانى يا جماعه

لازم كل واحد يحترف فى مجال معين يأما التصميم يأما البرمجه وكل مجال وليه عالمه الخاص مش لعبة الحكاية

تانى حاجه ياريت نبطل احلام و فاكرين ان كل حاجه جاهزه
لا غلط لازم حضرتك تعتمد على نفسك وتشوف وتدور على ال انت عايزه فى اى حته بدل ما تقعد تتحايل على غيرك

ثالت حاجه نسيت اقول شكراً على الشبه دورة دى يا مستر هيثم وحضرتك وفيت وكفيت الدور على المستمع الكريم بقى D: